Un delit feroç. Un cadavar innomenât. Intune cantine, isolade dal burlaç, un dai invidâts ae Grande Degustazion al ven cjatât sassinât. Grant sconciert tra i presints. E ven alore clamade la polizie che, te figure dal comissari Sommelier, al cîr di discrosâ il misteri.

Si pandin ingjans… seduzions… tradiments… reticencis. Ducj e nissun a àn un alibi.

Rivaraial il comissari Sommelier a dismascarà l’autôr di tante violence o pûr il colpevul al rivarà a fâle francje?

La zovine Blanc Pinot, le aristocratiche Charlotte Chardonay, la popolane Istriana Malvasia o l’espert Antonio Merlot… a son tancj i personaçs che a sfilin denant dal voli indagadôr dal navigât comissari e lui, fuarte de sô esperience, al savarà fâ vignî fûr lis carateristichis di ognidun.