Biblioteche
La Biblioteche de Associazion Teatrâl Furlane e racuei vuê cirche 1800 titui, fra tescj teatrâi in lenghe furlane, in lenghe taliane e in diviers dialets. E je presinte ancje une furnide sezion di sagjistiche sui diviers lengaçs dal teatri.
Impuartante e je la presince dal Font Gregoricchio, lassit dal autôr ae Associazion e testemoneance de sô ativitât di studi e ricercje.
Il servizi di imprest e consultazion al è riservât ai socis midiant prenotazion vie mail ae direzion:
➜ biblioteca@associazioneteatralefriulana.com.
CATALIC DAI COPIONS
La Associazion Teatrâl Furlane e à inserît in cheste racuelte tescj pai cuai e je in possès des necessaris autorizazions, dongje di altris oparis che i autôrs, erêts o avents dirit no son stâts individuâts, a dispiet des ricercjis atentis e aprofondidis.
Tal câs che un autôr, un erêt o un titulâr dai dirits al riten che la publicazion di une opare e podi tocjâ i siei dirits, al è invidât a scrivi a: biblioteca@associazioneteatralefriulana.com. O proviodarìn a verificâ la segnalazion e, se al sarà oportun, o gjavarìn subit il materiâl indicât.
Si precise infin che i dirits di rapresentazion, esecuzion e cualsisei altri ûs public des oparis a restin di competence esclusive dai rispetîfs titulârs o di cui che al cure la metude in sene, i cuai a son tignûts a rispietâ ce che al è previodût de normative in vore in materie di dirit di autôr.
| Autôr | Titul | Lenghe | Gjenar | N° ators | Ats | Notis |
|---|
PROGJET LEINT
Il progjet LEINT al à il fin di permeti un acès plui facil e rapit ai documents conservâts te biblioteche de Associazion Teatrâl Furlane.
Tal stes timp, si intint meti in vore une buine pratiche di conservazion dal patrimoni esistent: l’obietîf gjenerâl dal progjet al è chel di moltiplicâ il grât di fruibilitât dai tescj — midiant la digjitalizazion dai materiâi — rispiet ai supuarts fisics origjinâi dai cuai a derivin.
Difondi il patrimoni dramaturgjic furlan doprant il web e i sistemis di catalogazion al permetarà no dome ai spetatôrs, ma ancje a chei che si ocupin di produzion teatrâl, di vê a disposizion un catalic furnît consultabil di lontan, dal cuâl podê atignî pal svilup di gnûfs progjets senics.
Partner dal progjet LEINT a son:
Progjet realizât cul contribût de ARLeF, Agjenzie Regjonâl pe Lenghe Furlane.
