Cui jerial pardabon Amadeus? La sô personalitât, in fin dai conts, e risulte ancjemò platade, misteriose. Di sigûr, tal so câs, ae grandece indubitabile dal artist si compagnin lis debilecis dal om. nissun spetacul al podarès tratâ dute la complicade psiche dal compositôr di Salisburgo, e cussì, tal contâlu, AlienAzioni al à volût sielzi un pont di viste diferent rispiet al solit: la biografie, par altri no frontade in maniere didascaliche, no lasse in bande dutis chês strambetâts, in cierts câs sbrumadis nevrosi, che a àn caraterizade la vite di ogni dì di un personaç jentrât te storie de musiche. Dut chest cuntun test scrit e diret ad hoc di Mauro Fontanini, insiorât di cualchi toc famôs sunât dal vîf.