Pablo Picasso, il pitôr plui influent dal ‘900, al à vude une personalitât dominante, che e à strapuartât dutis lis feminis che al à frecuentât, sburtantlis intun precipizi di amôr e odi. Lui stes lis à dividudis in dôs categoriis, afermant che “a esistin dome i netepîts e lis ideis”. Prime musis e po sclavis di un rapuart fat di umiliazions e violencis cidinis, di un boie e diviersis vitimis. Parcè che Picasso al impleave un incjant di lassâ a bocje vierte lis feminis: lis incjocave cun lis peraulis e lis atenzions, li concuistave cun chel savoi faire di Don Giovanni. Lis seduseve e po dopo lis abandonave. Sigûr al è che il pitôr al devi une vore aes sôs musis, ispirazion sbrumade durant la sô aventure artistiche, feconde passion vitâl cence li cuâl si sfantaressin une vore des sôs oparis mestris. Ma l’origjin dai siei rapuarts tormentâts cun lis feminis e nassin fûr ben plui in profonditât rispiet a lis primis infatuazions amorosis: de mari Maria, pe cuâl al veve un leam afetîf al limit de ossession.

Il spetacul nus propon un afresc des sôs aventurosis relazions sentimentâls, juste apont tra “feminis, amôrs e musis”.