Nassude tai agns ’30 sot forme di fumet, la Famee Addams e je stade protagoniste di diviers films e seriis televisivis.

Un umorisim neri di no crodi, unît a une satire di costum spiçade, a son simpri stâts i trats distintîfs di dutis lis aventuris dai ecentrics personaçs (Gomez, Morticia, Lurch, barbe Fester, Miercus…)

Sul palc di sene si viodarà une gnove aventure dute di ridi e mai contade prime, scrite di pueste pe Compagnie di Ruvigne e voltade in lenghe furlane. In cheste simpatiche e origjinâl aventure, la folcloristiche famee si cjate a frontâ une intrigose ospite, che e vûl sabotâ la fieste pal aniversari di Gomez e Morticia, ma a varà di fâ i conts cun i famôs Addams… man comprendude!