Associazione Teatrale Il Cantagallo

La Compagnie teatrâl “Il Cantagallo” di Pagnà e je nassude tal 1998, debutant al Palamostre di Udin cun Robin Hood. Gracie al spirt di grup e ae passion dai siei components, tal cors dai agns e je deventade cognossude in dut il Friûl-Vignesie Julie, cjalcjant cualchidun dai plui impuartants palcs de regjon. La compagnie e propon spetacui sedi in talian sedi in furlan.

Tal cors de sô ativitât e à puartât in sene numerosis comedis brilantis, tra chês Usgnot no, balis e Chiave per due, alternantlis a tescj di plui grant impegn, come Piccoli crimini coniugali e Gabie. Un percors teatrâl variât, simpri cul obietîf di divertî il public, ma ancje stimolâlu ae riflession su lis grandis tematichis de vite. Il grup al è componût di une desene di iscrits.

Atualmentri la compagnie e je impegnade inte rapresentazion de comedie brilante “Jo, tu o…?”, che e conte lis vicendis di un miedi afermât che si cjate costret a fâ i conts cun cualchi segret dal passât, intun corisi daûr di situazions comichis e imprevedibilis.

E je ancje in preparazion un gnûf spetacul in furlan, une comedie in costum dal titul “Il rimiedi universâl”, cul debut previodût pal mês di Zenâr dal 2027. Sium e realtât si incrosin ator di un miedi inamorât, de sô governante brontolone e di une schirie di personaçs ambientâts inte storie furlane dal Cinccent. Regjie e je di Elio Scruzzi.

Tal cors dai agns la compagnie e à ancje partecipât a numerosis iniziativis benefichis, metint i propris spetacui a disposizion di associazions e realtâts dal teritori.

Premis e ricognossiments

  • 2009 – Piccoli crimini coniugali, Rassegna Teatro Insieme di Trieste
  • Vincenzo Spadavecchia – Premi miôr atôr
  • 2014 – Chiave x 2, Rassegna Teatro Insieme
  • Angela De Monte – Premi miôr atore
  • 2017 – Balis, Rassegna di Rivignàn
  • 1n premi – Miôr spetacul
  • 2017 – Balis, Rassegna di Gardiscje d’Isonç
  • Andrea Pividori – Premi miôr atôr
  • Non de compagnie
    Associazione Teatrale Il Cantagallo
  • Provincie
    UD
  • Referent
    Angela De Monte Nussi

Talian