…strambalât, assurt, improbabil… ma fresc e simpatic, curt spetacul stramp ma interessant, a so mût coinvolzint…

E je une performance curte dal Laboratori sperimentâl dal “Gruppo Teatro Sagrado” (Grup di interès de Pro Loco Sagrado). Un saç a conclusion di un percors tacât cuntun cors propedeutic su lis tecnichis dai clown tignût di Andrea Chiappori di “Eta Beta Teatro”.

Si è continuât cjapant par buinis lis improvisazions creadis, cusintlis e ricusintlis, inventant comichis, senetis, dialics strambalâts. Dut al è risultât sureâl, grotesc, ricalcant il stîl dal Teatri dal Assurt, ma costruintlu o vin scuviert pardabon vêr tal tornâ a proponi la incomunicabilitât de vite di ogni dì, lis aspirazions e i desideris di ducj, magari mai confessâts nancje a nô stes.

Dait acet chescj arlêfs dal laboratori cun tantis batudis di man, il lôr impegn lu merete, e di sigûr si ricognossarês in lôr!