Intun infogât dopomisdì estîf, Orest, sindic dal paîs, al stâ zuiant di bocis tal zardin de sô vile cui amîs Vitori e Agostin. Un fat scandalôs, però, al ven a turbâ il trancuîl dran dran dal dopomisdì: Adolf, un ospit inspietât, al ven becât intant che al fâs avances a Anita, la biade femine dal sindic. Chest ultin alore, cjapât de zelosie e judât dai doi amîs, al elabore une strategjie par fâ paiâ l’afront al vergognôs Adolf. Dut al sucêt sot de voglade atente de mari dal sindic, Palmire, e de suriane bocje di ridi dal domestic Julian.