La Filodramatiche di S. Marie di Sclaunic e je nassude tal 1980 come compagnie amatoriâl, puartant in sene farsis di diviers autôrs furlans. Tai agns i atôrs a àn frecuentât diviers cors di perfezionament tignûts di De Maglio e G. Bevilacqua.

Tal 1988 a son stâts segnalâts al concors di Voleson cun “Met un spirt dopo cene” di Nöel Coward. Tal ambit de lôr ativitât, i atôrs a àn presentât une cuindisine di autôrs par furlan e talian, esibintsi in dut il Friûl cun plui di 200 replichis.