O vês di capì che la Cooperative no veve vonde bêçs par podè paià la robe ca comprave, parcè ducj o scuasi a fasevi la spese cul libri.

Ta che volte la miserie ere pui nere di simpri, lavôr no ’nd ere, si leve a vore a Biele o in France, ducj a spietavin l’Invier par che l’om al tornàs a cjase cun chei cuatri carantans e cusì si podeve scjalâ i debits dal libri.

Al mancjave di dut ……. ma no di fruts! Tal ’29 e grant frêt cun tante nêf, dopo il grant sut e lis cavaletis che a mangjavin chel pôc che al restave e la zulugne che a brusave la fuee di morâr pai cavalîrs a vevin fat sì che i debits vecjons si zontassin a chei gnûfs.

I oms di bande lôr, cu las mans in sachete, a stiçavin lis feminis par che a lessin indenant a cirì di comedà la cuistion.