La Compagnie Teatrâl “Sot i Cjstiei” di Atimis e je stade fondade tal 1998. Tai agns e à puartât in sene une vore di rapresentazions di diviersis localitâts dal Friûl, proponint al public comediis de tradizion furlane.

Tra lis oparis rapresentadis a figurin lis famosis comediis dal comediograf cividin Marioni: Il test di Sar Pieri Catus e Il liron di Siôr Bortul. La compagnie cun di plui e à metût in sene lis comediis I feravostans e La nuvice e la cjavale di Valentinis, Spinis di baraç di Franca Mainardis e Il muart in cjase di Camillo Vittici, oltri a altris lavôrs di autôrs minôrs.

In gracie a chestis produzions, la compagnie e à contribuît tal timp ae difusion e ae valorizazion dal teatri in lenghe furlane, mantignint vive une tradizion culturâl inlidrisade tal profont tal teritori.