Il test teatrâl al è trat in maniere libare dal libri “Gli ultimi guardiani del Gatto Nero – racconti di vita e di lavoro in un manicomio” di Dario Bonini, Ivano Mucin e Ornella Schiffo (a cura di Anna Zanarolla Edizioni IRES). Il libri al è l’insiemi di testemoniancis dai vecjos infermîrs dal ex Ospedâl Psichiatric di Udin, plui cognossût come “Sant Svualt” o “Gatto Nero” (dal non dal bar su pidignûl dal istitût).

Tal test teatrâl, dal titul “Gatto Nero – Gli ultimi guardiani di un manicomio”, i infermîrs si presentin par chel che a son, a disin ce che a sintin e a voltis a sperin. I pazients a son personaçs par di plui trancuîi, dolçs, a voltis parfin resonevui. La intenzion de autore e je chê di presentâ chê altre muse de medaie; duncje, no chê dai “mats”, dai cuai si è fevelât une vore, ma chê dai infermîrs.