Liliana e Dolfo a vivin cui propris ritmis, dinamichis e usancis. La cubie e subìs une specie di ribalton tal moment che si svicine une impuartante date. A compagnâ il public o cjatìn ancje altris personaçs, infondâts tal lôr mont fat di stereotips e superficialitât, ma ancje di profonde umanitât e sperance par il futûr.

Un viaç tra sium e realtât, tra colps di sene e ridadis, ma ancje une oportunitât par rifleti e cjalâsi dentri, par no pierdi la voie di continuâ a sumiâ e soredut di cordi tai propris siums e desideris, cu la cussience che la felicitât no je vê ce che si desidere, ma desiderâ ce che si à.