20 agns di sucès e di ridadis!

“TravesioTuttoTeatro”….. za il non al è dut un program!!!

Tacât di cuant che un grup di zovins al recitave par fâ plasê ai fruts de scuele infanzie intes manifestazions di Nadâl, al è vignût vie vie cressint tal numar, cuistant simpri plui sigurece e paronance seniche.

Al à puartât in sene diviersis comediis di autôrs furlans classichis e modernis, esibintsi no dome tal teritori regjonâl, ma ancje tal forest, contribuînt a mantignî vîfs i contats dai emigrants cu la lôr tiere de nassite.

Te opare “Knock, ovvero il trionfo della medicina” la Compagnie e fronte cun sucès un test fuart e atuâl in lenghe taliane, conservant tai personaçs paisans plui curiôs un furlan particolarmentri eficaç. Tal 2010, un dai atôrs fondadôrs, Damiano Berto, al scomence a scrivi une comedie…..e e je plasude! Si intitule “FUFIGNIS DI PAIS”.

Tal 2011, Berto al torne a provâ e, tra une prove e chê altre, e nas une gnove simpatiche storie di puartâ in sene. Un an dopo, il test al è pront e, cu la regjie di Tommaso Pecile curade cun atenzion, la storie e devente in dut e par dut un spetacul comic, a tinte fuartis e di efiet!!

E par il 2017?… cui sa ce che al bol te pignate…