Descrizion
E je une comedie metateatrâl dal 1982. La opare e met in sene i fastidis di une compagnie teatrâl dilunc lis provis e lis rapresentazions di un spetacul, causâts des dificoltâts dal test e des dinamichis relazionâls tra i stes atôrs. Il spetacul metût in sene de compagnie, “Niente addosso” (Nothing On) di Robin Housemonger, al è un event pustiç che al riprent la trame di une farse americane.
La situazion e je ambientade intun vilin di campagne in aparence disabituât, ma dentri dal cuâl si cjatin diviers personaçs:
■ La siore Clackett (DOTTY), governante dai siôrs Brent, che e aprofite de assence dai parons di cjase par gjoldisi la television a colôrs;
■ Roger Tramplemain (GARRY), agjent imobiliâr di une agjenzie che e à di tornâ a vendi il vilin e che al vûl aprofitâ de cjase, in aparence vueide, par passâ un fin di setemane in intimitât cu la sô zovine Vicky;
■ Vicky (BROOKE), chê che e fâs fente di jessi la parone dal vilin;
■ Philip Brent (FREDERICK), autôr di comediis e evasôr fiscâl;
■ Flavia (BELINDA), femine di Philip Brent;
■ Scassinadôr (SELSDON), un scassinadôr intimpât e pastrocjon;
■ Sceic (FREDERICK), un sceic che al vûl comprâ il vilin.
Ognun dai ospits dal vilin al è convint di jessi dibant in cjase, e i incuintris cui altris personaçs a dan il vie a gag esilarantis, tipichis des farsis americanis.
Informazions

