EtaBetaTeatro, associazion culturâl teatrâl, dal 2003 e lavore ae ricercje di une gnove dimension dal “comic”. I artiscj si formin cun mestris dal comic di valôr nazionâl e internazionâl (Ferruccio Merisi, Fabio Comana, Pierre Byland, Marcello Magni). E prodûs spetacui par adults e fruts (rapresentâts in ambit regjonâl, nazionâl oltri che tal forest, ancje cun ricognossiments) proponint un teatri par divertî e rifleti, caraterizât di une marcade origjinalitât interpretative e tematiche, cence escludi temis e tescj cussì clamâts “seris”.

EtaBetaTeatro e je socie di TeatriUniti Pordenone. E organize “Buffet – Assaggi di teatro comico”, “Comicamente”, “Serate di Maggio”, “Frescoteatro”, “Teatro D’Essai” e altris.