Il teatri viodût di une prospetive divierse, ma no par chest miôr.

Nô Gjats o cjalìn il mont cun ironie e soredut autoironie. O cirìn di trasmeti al spetatôr gnovis clâfs di leture e ideis par rifleti su argoments in maniere diferente insignificants, che no int varessin nissune bisugne.

O cirìn di stupî cui che nol vûl jessi stupît e emozionâ i disiludûts totâi intun eterni conflit di ideâi. No par nuie il faliment des nestris intenzions al puarte simpri ecitazion e une plasevule cundizion di euforie tal spetatôr.

O sin dai modernis Robin Hood dal teatri, che a robin ai siôrs di fantasie par donâ ai puars di bon umôr, cun la di pôc cont diference che al bon Riccardo de Disney, nô o privilegjìn il plui malin Riccardo III di Shakespeare. O adorìn un public fat di fruts e fantats, ments di podê manipolâ cun facilitât, la che fâ proliferâ il nestri disasi, ma simpri cence par chest trascurâ i adults, sui cuai o discjamìn dutis lis nestris frustrazions e il nestri eterni fastidi.