Jude al è un personaç iconic.

La bussade, i 30 denârs, il laç intor dal cuel… il tradiment plui famôs de storie. Chel tradiment che i è valût il scjalìn plui profont tal infier di Dante, il prin puest te classifiche dai pecjâts: in cime a dutis lis danadis classifichis di 2000 agns incà. Parcè isal cussì insuperabil? Ce aial il so pecjât di cussì speciâl?

Cun chest spetacul us furnirìn une clâf di leture in perfet stîl Gjats, la che nuie al è cemût che al somee e dut al somee nuie. Un spetacul plen di personaçs cun debilecis umanis incurabilis, che denant a un simbolic sepulcri vueit a sburtaran il spetatôr a domandâsi: ma cui di lôr isal il vêr Jude?