La Associazione Zerotraccia Teatro APS e nas tal Zenâr dal 2020 come evoluzion autonome dal progjet “Teatrando”, inviât tal 2013 inte Scuele di Musiche di Codroip su iniziative des fameis, insegnants e fruts, desiderôs di puartâ indenant la esperience teatrâl tacade te scuele primarie.

Vuê e conte plui di 100 socis, dai cuai cirche 90 a partecipin ai laboratoris teatrâi dividûts in sîs grups par etât, cun cors indreçâts a partî dai vot agns fin ai adults. Le associazion e realize ancje produzions teatrâls e e partecipe a events e rassegnis tal ambit de Federazion Talian dal Teatri e des Arts (FITA)

Lis ativitâts si disvilupin durant l’an scolastic e a son coordenadis di une scuadre di educadôrs vuidâts de regjiste Monica Aguzzi, diretore artistiche. Tai ultins agns si son metûts dongje zovins associâts cuntune lungje formazion teatrâl, impegnâts tal insegnament ai plui piçui. Il grup di docents si e cun di plui insiorât cun la regjiste Daniela Zorzini, che e cure i cors par i fruts e adults, e cun la cjantante Sara Della Mora, focalizade sul lavôr vocâl.

Zerotraccia e organize dôs rassegnis principâl: “Metti una sera a teatro” in Primevere e “Teatro in Corte” in Istât. E partecipe cun di plui a une vore di events locâi, tra i cuai “Furlanadis”, La Fiere di San Simon e varis iniziativis regjonâls, esibintsi in diviers comuns dal Friûl Vignesie Julie.

Tra lis ativitâts plui significativis, la partecipazion al progjet scolastic “RispettAMI” cuintri la violence su lis feminis e la vitorie dal premi come mniôr atôr intun concors regjonâl FITA cun il spetacul “Salvo complicazioni morirò”.

Di doi agns in ca le associazion e organize ancje il Palio Studentesco Teatrale di Codroip, in colaborazion cul la Associazione Culturale Ottagono, ufrint ai zovins grups teatrâi regjonâi le oportunitât di esibîsi e, ai vincidôrs, di lâ sul palc dal Teatri Benois De Cecco.