Sul fonts di une imagjinarie Aquilee argagnade a luna park, il furlan-roman  Sergio, ex stuntman tornât di Rome dopo un incident sul set, si rangje a vuadagnâsi alc fasintsi fotografâ cui turiscj fasint il cenutrion roman al Aquileia Colosseo Park. 

Insiemi cun lui, intune situazion di perifarie e degrât, e vîf la sûr Maria, che e contribuìs al mantigniment de “famee” lavorant par telefon par une hot-line erotiche, cuant che Milan, un bielorùs a pene rivât in Friûl, al tuche te lôr puarte, mandât di un traficant di clandestins.

Inzegnîr tal so paîs di origjin e plen di desideri di riscat, Milan si adate a dut pûr di rivâ a sostignî la sô famee. Svelt, inteligjent e plen di energjie, in curt al devente une grande oportunitât par i doi malplantâts, i cuai no rivaran in ogni mût a liberâsi de desolazion te cuâl a sorevivin.

Un test sutîl e, come tal simpri eficaç stîl di Clementi, caustic e feroç tal stigmatizâ lis miseriis umanis di ogni dì. L’adatament dal lavôr ae lenghe e ae realtât furlane al sosten la fuarce popolâr dal lavôr.