Di un innomenât autôr, une comedie che, un lizerece, e vûl jessi une riflession su la complessitât dai rapuarts di famee. Denant aes cundizions simpri plui critichis dal patriarcje, un becjâr siôr, lis fiis (cui lôr oms daûr) si cjatin a scugnî spietâ insiemi la muart dal pari: une ocasion par fevelâ e tornâ a cjatâsi, dismenteantsi dai antîcs dissidiis. La muart a finirà par tornâ a unîju. Cul pat che e rivi cuntune cierte rapiditât… ma il vecjo al somee che nol vedi voie di lâ e cussì tra lis sûrs a tornin fûr i motîfs che a àn provocât il lôr distac. 

Cussì, la anticjamare de sale di rianimazion e devente une sorte di aule di tribunâl, la che lis sûrs no esitaran a saltâsi intor cun ridiculis acusis incrosadis e recriminazions comichis. Une comedie feroce e divertentissime, che e conte cemût, ancje denant de muart, lis meschinitâts umanis dispès a finissin par vê la miôr sul trassendent.