Tal 1998 e nas la “Compagnie Teatrâl di Codroip”, vuê dedicade  a Agnul di Spere (Angelo Maria Pittana). Il debut al è stât a Codroip cun “Torne a cjase Tomâs” di L. Rocco, regjie di P. Bortolussi, premiade al Festival di Culugne par la miôr regjie. Tal 1999 e presente “Lis poris fruiadis” di F. Mainardis, premiade a Flumisel pe senografie. 

Tal 2001, par vie che a àn intiolât lis Scuelis Mediis a Anute Fabris, e puarte in sene la farse “Par un ûf” e “Feminis”. Tal stes an e prepare “Amlêt, cun vot muarts” di P. Sartori, proponût tal 2020 cun otims acet. Simpri tal 2002 e met in sene “Il Trovatore” di P. Zorutti cun i “Mistieranti” di A. Negro. Tal 2005 e presente “SUPERMARKET” di L. Baruzzini, regjie di S. Scaini, otignint grant sucès. Di chê strade la compagnie e prepare farsis origjinâls come “Siere la puarte” e “Sclipignis di vite”. Tal 2009 e debute cun “Sior Lello cavaliere della Terra” di Baruzzini, regjie di C. Mezzelani, premiât tal 2010 a Romans dal Lusinç e dedicât a Daniele Moro.

Po dopo a rivin: 2011 “Cjase d’arint” di G. Gregoricchio, regjie di G. Valoppi; 2014 “Come ch’a fasin i fruts”, test de compagnie, regjie di Valoppi; 2015 “Il Magnific” di R. Ongaro, regjie di M. Zamparini; 2017 “Tiere” di D.P. D’Antoni, regjie di Mezzelani.

In plui di 20 agns la compagnie e à recitât intune vore di paîs dal Friûl e ogni an e organize, tal timp dal Carnevâl, une rassegne di teatri par furlan cun la partecipazion di diviersis compagniis amatoriâls e grant sucès di public.