Di simpri la cusine e je art e di simpri ator di je si svilupin lis carateristichis dal teritori. Chestis peculiaritâts a son il risultât dai segrets tramandâts, di ingredients unics, di modalitâts che e fasin la diference. Cuant che chestis diferencis a deventin stimul e cualchi volte rivalitât, ve  che il zûc al è fat. Ator di une taule de ostarie si contin emozions, ricuarts, storiis di vite. Dut chest al è “OSTARIE AL LADRIC”. Storiis di lidrics e passions…

I cogos a son int creative. Ma ogni tant lis cuistions di cjampanili a fasin in maniere che il confront culinari al deventi dûr. Protagoniscj non son dome i plats in taule ma ancje manieris diferentis di pensà che in fin dai fats a vegnin risoltis di int di fûr, che e rive a preseà la mangjative plui de int di chenti. Sintiments, dolcece, maniere e amôr a son la cuince de vite.