E continue ancje chest an il studi su l’amôr tai tescj comics a teatri. Si infondìn intune atmosfere sureâl ispirade a un autôr precursôr dal teatri dal assurt, marcjât di une abientazion agns ’70 dal ton psichedelic. La comedie e conte l’amôr tra une fantate e un professôr che, par stai dongje, al acete une curiose cjatade ideade de famee di je par fâi dâ lezions al fradi plui piçul.

Tra faidis familiârs, ecuivocs, fameis stramps e scambiis di persone, il grotesc si imberdee cul comic fin a un finâl legri. 

Presentade pe prime volte tal 1930, la pièce e à dividût il public tra batudis di mans e contestazions, tant di domandâ l’intervent dai Carabinîrs. L’autôr, Achille Campanile (1899-1977), al è sta4t un tra i plui grancj umoriscj talians: scritôr, gjornalist e dramaturc, al à savût contâ cun ironie e inteligjence il costum e l’assurt de societât dal Nûfcent.