La compagnie teatrâl ‘Ndescenze di Udin, nassude tal 1998 come grup autogjestît, e festeze vincj agns di ativitât e ogni mês di Otubar e vierç lis puartis a gnûfs partecipants cun il solit laboratori di teorie e tecnichis teatrâls. Fin dal inizi e spiche pe ricercje di tescj di gjenars diferents, cu l’obietîf di aprofondî la cognossince de art teatrâl e sperimentâ i siei lengaçs. Dal 2001 e je sostignude dal Dopolavoro Ferroviario di Udin e dal 2005 e colabore cun il Circolo Arci Nuovi orizzonti dai Riçs, partecipant ae sôs ativitâts culturâls.

Il lavôr formatîf, fondât su la preparazion e sperimentazion, al è fondamentâl no dome par cui che si svicine pe prime volte ae recitazion, ma ancje par costruî un grup compenetrât. Dal 2014 si met dongje al grup base une compagnie stabile dedicade a cui che al desidere lâ indenant in maniere plui aprofondide tal studi teatrâl.

Element distintîf dal grup e je la improvisazion comiche cun lis seradis “IMPROTEATRO”, un spetacul interatîf la che, partint dai sugjeriments dal public, i atôrs a crein in direte senis comichis ispiradis aes tecnichis di improvisazion teatrâls nassudis in Canadà. Lis esibizions a deventin des veris e propriis garis tra scuadris di atôrs, la che fantasie, scolte e prontece a crein moments unics e iripetibii. 

Tai agns la compagnie e à puartât in sene une vore di spetacui che a van dai classics ai contemporaniis, di Shakespeare a Dario Fo, di Woody Allen ai Monty Pyton, fin ai tescj origjinâi e sperimentâi. Tra lis produzions resintis: 2222 – Duemiladuecentoventidue (2022), Sette Anime (2021), Deja vu (2020), A tutte le Giuliette e ai loro Romei e Il piçul Frankenstein (2019), Io so che tu sai che lui sa (2018) e tancj altris. 

Cun plui di vincj agns di ativitât, la compagnie ‘Ndescenze e continue a jessi un pont di riferiment par il teatri amatoriâl furlan, metint dongje passion, creativitât e spirt di grup.