Farse brilante che e sbrisse vie tra ecuivocs e situazions paradossâls. La mole che e fâs scjampâ il mecanisim dai ecuivocs e je costituide dal rivâ di une ex infermiere dal ospedâl S. Andrea, ex amante dal Dotôr Morelli, e ancje mari dal so fi ilegjitim.

Il protagonist si cjate a vê di gjostrâ la zornade plui particolâr de sô vite: di une bande la presentazion come relatôr, dopo vincj agns di cariere, ae plui impuartante conference mondiâl de Neurologjie, e di chê altre la scuvierte di jessi pari. In chest turbine di events che si incrose, la robe miôr e je platâ la veretât coinvolzint il so bon amì il Dotôr Bonetti.

I doi a deventin, cul jutori di cualchi coleghe, compliçs tal tentatîf di platâ la veretât ae femine di Morelli, ai lôr parincj e a ducj i membris dal ospedâl. Cussì al cjape vite il mecanisim di cuvierture: la zornade e va indevant, intune zirandule di batudis e di gag sclopetantis, i doi a inventin une serie convulse di bausiis e di ingjans reciprocs par pôre di jessi coinvolts intun scandul e di pierdi cussì i privileçs economics e sociâls concuistâts dentri dal ospedâl.

Ma il biel al è che il cjistiel costruît dai doi al risulte cussì vêr di someâ miôr de veretât stesse.