Il gnûf spetacul de nestre compagnie teatrâl ‘Ndescenze al fevele dal futûr!

Cemût sarano i rapuarts umans, lis tecnologjiis, la culture, la politiche, la societât, la religjon, la sience, i viaçs tal 2222?

Chest an o sperimentìn un sisteme di lavôr origjinâl e creatîf, la che i atôrs a metaran une vore dal lôr e a saran soredut autôrs, ma ancje un pôc regjiscj des propriis ideis. Il sogjet al fevele dal nestri futûr, in particolâr personaçs e situazions che a ipotizin cemût che a podaressin jessi ducj i setôrs de vite che o cognossin, contâts cun dialics, monolics, azions senichis, video, naratôrs e sene su di une canevace teatrâl, ma… ambientâts tal doi mil e vincjedoi!

O vin lavorât su di un spetacul in dôs manieris diferentis: une basade su ideis e domandis che a àn puartât ad un messedament di cerviei, che si è trasformade in personaçs e situazions, e chê altre su la nestre colaudade tecniche di improvisazion comiche, cun la cuâl al è pussibil costruî senis e tramis ancje partint di ideis estemporaniis, dadis dal public stes.