Un teatri, cinc personaçs, un aboç di vaudeville stîl comedie e voilà, une simpatiche comicitât caricaturâl.

Sunâs e je la storie di un (cuasi) fantat di paîs che, sburtât dai amîs un pôc imberdeâts, al va intune cjase di apontaments, ma al sbalie apartament e si cjate a cjase di une (cuasi) fantate, che e spiete il mestri di violin. Chi al nas l’ecuivoc. Une situazion esilarant fate di comichis strambaladis, la che al prime il dopli sens, ma tal stes timp si respirin olmis di vite vivude. 

Une storie cence timp, cence vints e vincidôrs, cence sant e cence erois.

Une storie dolce e pure, che lenç la matece.