I zovins dal Grup Ricreatîf “Drin e Delaide” a cressin, cooptant trê gnûfs atôrs e confermant la colaborazion, sedi sul palc sedi in cabine di regjie, cul mestri Christian Cecco. Il gnûf lavôr al è un at di amôr viers de opare teatrâl plui rapresentade di simpri: “Trappola per topi”, di Agatha Christie. I vin zontât salse di pomodoro picant, doi ets di Battisti, un tic di Ligabue, doi gucjarins di Vasco, une spolvarade di De André… Cusinade a fûc lent, o vin maglade la tavaie de none, lavade a man, tornade a meti te machine di lavâ e fate suiâ te fumate di Ariis.

Il risultât al è une gustose comedie dulà che une normâl cubie di mal capitâts e eredite une vecje cjase e e decît di fâ une hotel. I improbabii ospits a son ducj leâts di un sutîl fîl ros a un misteriôs passât…