Pieri al è un bon om, lavoradôr, cun doi fis disocupâts e une femine malade, cal adore. I fastidis e la miserie, però, lu fasin sintì un falît.

Lui al à simpri fat l’impussibil, ma cumò al è disperât, talmentri disperât cal fasarès propit di dut… Ve, che di bot si presente un tip elegant, misteriôs, creançôs, che i propon un pat che i risolvarès ducj i problemis… Ma a ce cost?

No us reste che cjalà, impersonâsi e pensà: se al tocjàs a voaltris, ce fasaressiso?