La straordenarie comedie dal “Cyrano de Bergerac” e ven metude in sene di un grup di liceâi, vuidâts de lôr insegnate. Tra esercizis stramps, la nassite di gnovis amiciziis, le ansie dal palc di sene, lis sanis ridadis e i inamoraments a colp, si scuvierzarà che savê ironizâ su propris presumûts difiets al po rindinus plui fuarts.

Un zûc di teatri tal teatri, là che comicitât e tenarece, snait e emozion, passât che si imbastìs e al lasse il pas ae atualitât a saran presentâts midiant une origjinâl, spiritose e sutile carelade di personaçs interpretâts di Norina Benedetti.