Ispirât al imagjinari sureâl e ironic di Stefano Benni e al so famôs “Bar sot dal Mâr”, chest spetacul al nas di un lavôr coletîf dai atôrs, che a àn rielaborât e reinventât personaçs, situazions e atmosferis de conte origjinâl.

Il bar al devente cussì un lûc sospindût e sorprendent, dulà che si tiessin storiis diferentis: dialics, monolics e senis corâls a dan vôs a une galarie di clients ecentrics, ironics, malinconics o grotescs, simpri compagnâts de presince discrete ma essenziâl dal barist.

Tra contis za esistentis e gnûfs episodis inventâts, il spetacul al costruìs un mosaic teatrâl vivarôs e imprevedibil, bon di rindi la magjie cuotidiane e straordenarie di un lûc dulà che dut al pues sucedi.