Chest spetacul al nas cul desideri di contâ la violence cuintri lis feminis te sô complessitât, dant vôs a storiis, epochis e ponts di viste diferents. Dongje des testemoneancis feminîls, a cjatin spazi ancje riflessions dal pont di viste masculin, cul fin di interogâsi su lis lidrîs culturâls, educativis e personâls che a puedin alimentâ la violence o contribuî a prevignîle.

Midiant di une sucession di cuadris teatrâi curts, il public al ven compagnât intun percors che al esplore lis diferentis formis di violence: fisiche, psicologjiche, economiche, culturâl, emotive e digjitâl, frontant ancje temis di grande atualitât, come il revenge porn e l’abûs dai social network.

No vegnin proponudis rispuestis facilis ni judizis, ma un spazi di riflession che al met tal centri la dignitât de persone, il rispiet reciproc e la responsabilitât di ognidun.

In ocasion de Zornade internazionâl pe eliminazion de violence cuintri lis feminis, Le crepe dell’amore al vûl jessi un moment di memorie, confront e cussience, afidant al teatri il compit di emozionâ, coinvolzi e stimolâ la riflession.