Mai dal 1976. l’aiar al è fis dal profum des albespinis che al filtre des biforis e la lune plene di arint e cjarece lis pieris, sveant suspîr milenaris. Bot e sclop, il profum si fâs garp, come lat caglât, e la bavesele si plantà tal cuel ae navade, deventant un aiar imobil, penç, tqnt che plomp disfat.

Il ton al rivà dal profont, une ruzade di pieris e tiere che al crevà il cidinôr di Mai. la tiere e scjassà cuntune violence perfide e la armonie milenarie de glesie si trasformà intune zigade di materie disdrumade.

il polvar dal cediment ancjemò al scjafoie l’aiar e il teribil cidinôr dal daspò taramot al involuce lis ruvinis…