La compagnie All’Ombra del Campanile e nas tal 2010 come laboratori teatrâl, dopo un percors formatîf curât di Claudio Mezzelani, debutant cun l’intermieç di Cervantes Il teatrino delle meraviglie. Po dopo, sot la regjie di Piero Faraci, e puarte in sene Hotel Sant’Isidoro, storie di cuatri vecjos ospits di un ospizi che, tra ecuivocs e ridadis, a cirin di fâ cjatâ l’amôr a un gnûf rivât, cuntun finâl legri e morâl.

Dal 2013, direte di Massimiliano Venier, la compagnie e propon la comedie brilante Ostarie spirit…osè, ispirade a “Amleto l’vinaio” di Mario Recchia. Ambientade intune tipiche ostarie furlane, e conte lis vicendis dal ostîr Tilio, de sô aiutant Vanda e dai folcloristics clients, tra i cuai il plevan don Carmelo e la medium Teresa. Ma dut si compliche cuant che a intervegnin la mame muarte e la agne muarte dal ostîr, dant vite a un finâl plen di sorprese “spirit…osè”!