A esistin storiis che il timp nol cancele, contis che a passin di gjenerazion in gjenerazion e a continuin a vivi te memorie di un popul.

In Friûl, tra ricuarts de infanzie e antighis tradizions, e torne iniment la liende dal Orcolat, une misteriose creature che e je a stâ intune grote ai pîts de mont San Simeon. Enormi, bilôs e dispetôs, l’Orcolat al è bon, cu la sô fuarce straordenarie, di fâ tramâ la tiere e savoltâ la trancuilitât dai abitants. La conte e cjape cussì vite sul palc di sene, tiessint fantasie e realtât, bocjis di ridi e ricuarts, sul font di une des pagjinis plui dolorosis de storie furlane: il taramot dal 1976.

Midiant la lenghe furlane, la ironie e la tenarece, il spetacul nus compagne intun mont di ricuarts e tradizions, mantignint vive la memorie di un event che al segnât in maniere profonde il Friûl e la sô int.