La Associazione Teatro Amatoriale Teatri di Paîs APS e debute in maniere uficiâl sul palc tal 2001 a Modone di Buie, sede atuâl de compagnie teatrâl, cjapant sù la ereditât culturâl de storiche compagnie che e lavorave fin dai inizis dal secul passât. La metude in sene di comediis brilantis, in lenghe furlane, e caraterize il grup dai atôrs e ur à permetût di vê grandis confermis come sucès e public, confermadis ancjemò di plui des tantis replichis dai diviers spetacui proponûts tai agns. La compagnie e organize ogni an, te sierade, une rassegne teatrâl in lenghe furlane, la che a vegnin selezionadis e invidadis compagniis iscritis ae A.T.F. (Associazione Teatrale Friulana).

In chest moment in repertori o vin la comedie par furlan, risultât di un lavôr di laboratori de compagnie, “O sin dal gjat”. Su richieste si pues domandâ il spetacul par furlan “Altri che fulminanz” di Roberto Ongaro. 

Nus cjatâis su Facebook, Instagram e su YouTube (baste scrivi tal motôr di ricercje Teatri di Paîs e si ven mandâts su la pagjine de compagnie) e li al ven inzornât il calendari des seradis teatrâls e ducj e àn la pussibilitât di interagjî cun nô.