La dramaturgjie e je ambientade tal secont an de vuere che e tacarà doman di sere, e e conte di sîs soldâts muarts di doi dîs in bataie che, pôc prin di jessi soterâts intune fuesse comun, a tornin impins e si refudin di lassâsi soterâ.

Dilunc dal spetacul, plui sogjets a cirin di convinciju a stâ distirâts: prin di dut i gjenerâi, preocupâts pal andament de vuere se la gnove si spampanàs, e dopo lis lôr feminis, sûr e maris. Dut câs, il desideri dai sîs di vivi, di fevelâ a la int di ce che ur è stât fat e di meti fin al conflit al è masse fuart, e ogni tentatîf di fâju tasê nol varà sucès.

Dentri dal spetacul a vignaran inserîts cjants e musichis dal vîf, cun rangjaments di diviers tocs, curâts de cjantautore Miriam Foresti.

Army Dreamers al è un progjet nassût cul intent di jessi une vôs zovine e unitarie cuintri ogni vuere, e ancje une rispueste nete e clare al clime ostîl che al somee invadi il mont ai dîs di vuê.