Tai agns Vincj, intune Italie traviersade di cambiaments sociâi e gnûfs tensions, Giacomo Buonavista al incuintre a Ceresole Amelia Accardo; tant leât aes tradizions il prin, tant anticonformiste la seconde. Lis lôr storiis cussì diferentis, lis roturis morâls e lis sperancis sociâls no impedissin ai doi di sintî un leam imediât e inspiegabil. Ceresole e je il pont di incuintri di vitis che si tiessin e si influencin une cun chê altre, là che ducj i personaçs a scomencin un percors personâl di trasformazion: dal refûs dai propris valôrs, al ricognossiment e ae afermazion dai stes.

Fiamme Gemelle e je une comedie emozionante che e puarte in sene i dirits e i valôrs dal anim uman. Tra amôrs tasûts, decisions dificilis e tentatîfs di riscat, e condivît profondis riflessions su lis tantis aspiets dal amôr, inte vite e ancje di là de vite, e e ricuarde al public che ogni storie e je tiessude e conetude cun chês altris intal teatri de esistence, dulà che ognun al è clamât a zuiâ la sô part.