Cheste e je une storie che e va cjalade cun cautele, delicatece e ancje cun cjandidece, come che al sucêt pal teatri di Luciano Rocco.

Une storie che e fevele di rapuarts tra personis in aparence scolegadis tra lôr, ma leadis di un unic comun denominadôr.

Il spazi esterni di un bar storic pal paîs, dulà che si cjatin personaçs fantasiôs, reâi, divertents, ironics e sentimentâi, che nus contin moments di vite cuotidiane e no dome, ma esempli di un sintiment presint te nestre vite, tes sôs variis formis.

E Lina, che e lee tra lôr cun dolcece insumiade ducj i personaçs, us compagnarà e us fasarà tocjâ cun man chest sintiment.