Il spetacul al è basât suntun event sucedût pardabon a Bertiûl tal 1875: un siôr gustâ organizât in onôr dal complean dal Re di Italie, cun ospits impuartants e dôs signorinis de citât vignudis a legrâ i cûrs. La cusine de coghe Rose si anime par preparâ la “mangjadorie”. Gjulie, sûr dal paron di cjase, a varà di fâ in mût che dut al funzioni par la miôr. Cun l’aiût di Filumene, governante dal speziâr Tita e, ae fin di Anzule, che no mancjarà di puartâ savoltament, il gustâ al sarà un sucès. E par concludi ce isal di miôr di un bon dolç!

Il zavaion!

Ma Filumene varaie capît dulà lâ a cjoli i savoiarts par compagnâ il zavaion? O sucedaraial alc di inspietât che al scossarà i cûrs e no dome chei?

Clâr di Lune, simpri cun ideis gnovis tes sôs propuestis teatrâls, in chest spetacul e sperimente l’ûs di filmâts realizâts cun i atôrs de compagnie in diviers lûcs dal Friûl, che si intervalin a lis atoris in sene.