La buteghe, la cooperative agns indaûr e jere cetant impuartante te vite di un paîs: lûc e ocasion par cjatâsi, par pandi o sintî lis ultimis novitâts, par comprâ ce che al coventave e nuie di pui. La grande distribuzion e à copât chest mont sempliç e uman par fânus cori ator par chei marcjâts là che o crodìn di cjatâ la lune.

Da lis stelis a lis stalis?

Sino propit sigûrs che si trati di un progrès?

In forme comiche, come che al è tal so stîl, la compagnie dai Pignots e torne cu la sô gnove comedie:

ÎR E VUEI INTE COOPERATIVE.

Al sarà ce ridi e ce pensâ.