La compagnia dei salvadeghi, titul origjinâl di I rusteghi di Carlo Goldoni, e je une comedie che e critiche e ridicolize la mentalitât piçule borghese fondade su la misogjinie, la avarizie e la possessivitât. Cuatri oms grês e abenâts a formin une specie di sete che e difint valôrs anacronistics, imponint aes propriis fameis une vite di rinunziis, il matrimoni cumbinât tra i fîs di doi “rusteghi” a impie une serie di divertents ecuivocs, dulà che le astuzie feminîl e la voie di cambiament de gnove gjenerazion e àn la miôr, mostrant che la evoluzion e je pussibile. Te rielaborazion de Assemblea Teatrale Maranese, la opare e ven atualizade, cambiant le ambientazion dal ‘700 al ‘800, par marcâ la persistence di cierts ategjaments te societât moderne.