Doi che a passin te fermade dal autobus, calâts tal trafic intens e anonim di une citât come tantis, bot e sclop si ricognossin come doi vecjos compagns di scuele, che no si viodevin di 30 agns.

Ae gjonde dal incuintri si zonte le amarece de sintetiche conte des lôr vitis, pasadis in paralêl par tancj agns e rivadis ae stesse dramatiche situazion: bessôi, disocupâts e cence prospetivis par il futûr. Ma un dai doi al à un sburt di gjenerositât e al ufrìs ospitalitât a chel altri, restât cence dimore.

Di cheste semplice e banâl fonde e cjape vite un spetacul plen di moments esilarants, ma non cence poesie. Te comiche rapresentazion dai imberdeâts tentatîfs che i doi amîs a fasaran par cjatâ un pôcs di bêçs e dâ une svoltade aes lôr vitis sfortunadis, o ricognossin la fature dispès inutile di cirî un lavôr, la ilusion di facii vuadagns alimentâts ogni dì de television, il sium di realizâ se stes cun il sucès e la popolaritât. Fevelant di bêçs, insumiant di fâ bêçs, pensant a cemût fâ bêçs il timp al passe tal plasê di stâ insiemi, cun lizerece e chel tant di matetât tipiche dai clown: di sigûr no deventaran siôrs, ma no dismetaran mai di cirî un mût par jessi feliçs.