Ce sucedial se al cjaveçâl di Renato, un om misteriôs e inmagant, si cjatin Barbara la sûr, Anna la sô ex femine e Carlo, il gnûf compagn di Renato? E ce sucedial se, par colpe dal acident tocjât al nestri om misteriôs, chest al pierdi dal dut la memorie? Cemût reagjirano i nestris personaçs a cheste sfolmenade cjadene di events? Cui savaraial tornâ a concuistâ il cûr di Renato, cumò di gnûf inocente par vie de pierdite de memorie?

Rivaraie Anna, la ex femine, a tornâ a puartâsal a cjase o saraial invezit Carlo, l’amant siôr, a tornâ a continuâ la relazion interote? Cemût si confrontarano i doi contendents, saraial un scuintri in ponte di floret o si tirarano sablassadis e pachis di vueli sant? E rivaraie Barbara, la ordenade e ordenarie Barbara, a gjestî chest scuintri di fûc?

Ve ca la storie di Pierditis e Perdons, la comedie metude in sene de compagnie A.B.T. Dialics pevarins e ritmi pressant a compagnaran il spetatôr dal prin al ultin minût e se ogni tant al saltarà fûr, in ca e in la, un fruçon di comozion, pensaitlu come une cjariesute su la torte.