Ecuivocs, bausiis, malintindiments, scambis di persone, storiis intorteadis, complicadis e divertentis: chest e tant altri e je la comedie brilante “SUPER”, direte dal atôr comic e ancje regjist Roberto Ciufoli, za component dal famôs cuartet comic roman “La premiata ditta”.

Ambientât te cjase di une cubie di ecletics aristocratics, là che doi amîs e son i partidants di fats e misfats pûr di sorevivi a lis lôr bausiis e “debilecis”. In chest lavôr teatrâl divertent, curiôs, esilarant e frenetic, si alternaran figuris cun tantis personalitâts: la ciniche, il smemorât, l’imberdeât, la stravagante, la nevrotiche, l’ipocondriac.

Finâl inspietât? Dut di scuvierzi…