NEW YORK AGNS ’80 – Prudence e Bruce a son doi abitants di Manhattan che a cirin l’amôr e si cognossin midiant un anunzi sul gjornâl, in gracie ai conseis dai lôr terapiscj. Bruce al è bisessuâl, emotîf e al vai par nui, une robe che Prudence e viôt come un segn di debilece. Il lôr prin apontament si palese un disastri e i doi a si lamentin di chest cui rispetîfs analiscj: Stuart, un psicolic cotolin, e Charlotte, che e tartaie e e dopre un peluche di Snoopy par judâ i propris pazients a esternâ i lôr sintiments. A ruvinà ancjemò di plui la situazion i pense Bob, il zelôs amant di Bruce, che al à pôre di pierdi il so om.

“Terapia di gruppo” al à vude la sô prime al Phoenix Theatre dal Off Broadway il prin di Zenâr dal 1981, cu la regjie di Jerry Zaks. Te scuadre dai atôrs a jerin Sigourney Weaver (Prudence), Stephen Collins (Bruce), Jim Borrelli (Stuart), Kate McGregor-Stewart (Charlotte) e Jack Gilpin (Bob).

La comedie e je stade acetade in maniere positive dal public e de critiche, tant di jessi riproponude a Broadway l’an dopo, in cartelon al Brooks Atkinson Theatre par plui di trente rapresentazions dal mês di Mai a chel di Jugn dal 1982.