Cheste opare e je ambientade tal 1960 intun curtîl de campagne furlane. E je la storie di un emigrant tornât de France tal so paîs furlan, cence un franc come cuant che al è partît. L’orgoi e la voie di fâ viodi che al è rivât a fâ fortune lu sburtin a inventâsi e cjatâ furbetâts cuintri il fradi, che al è restât a lavorâ tal paîs. Grotescjis barufis e une aventurose storie tra i confins di terens e amôrs tenars. Une piçule storie che e torne a proponi miserie e valôrs di un vecjo Friûl leât ai siei principis e ae sô semplicitât.

Un teme delicât e impuartant, tratât cun maniere e ligrie.