Imagjinait une classe cualsisei: students insumiâts, cuadernis sghiribiçâts e un insegnant che al cîr disperadementri di spiegâ l’Infier di Dante.

Tra un “fruts, atenzion” e une sossedade, un di lôr si indurmidìs… e, sorprese! Si dismôf tai vistîts di Dante, pierdût te sô famose Selva Oscura. Di culì e tache une aventure tragjicomiche: il nestri gnûf Poete al provarà a riscrivi l’Infier, ma tra smariments, ecuivocs e figuratis, ancje i compagns di classe e l’insegnant a finiran impeolâts tai zirons plui assurts…

Tra moments di pure comicitât, imbaraçs epics e cualchi lezion di Dante che nissun si sarès spietât.

Un spetacul par cui che al à amât la Divine Comedie… e par cui che le à odeade tant di volêle dismenteâ par simpri. Preparaitsi a ridi, a ricognossisi tai pecjâts plui ridicui e, parcè no, a sintîsi un pôc Dante… ma cul la cjâf tra i bancs di scuele.

Un mix di ridadis, provocazions e colps di sene… dulà che nuie al è come che al pâr.