Tal 2004 al nas il prin dopleament integrâl par furlan di Frankenstein Junior, risultât di un lavôr coletîf, che al à coinvolt une vore di realtâts de regjon. La traduzion, curade di plui personis, e à scugnût adatâsi al labiâl dal film, cirint sinonims e soluzions linguistichis coerentis cun la recitazion. Si à volût valorizâ la varietât des feveladis furlanis (Cjargne, Bas Friûl, Friûl Centrâl) coinvolzint atôrs e “dopleadôrs ocasionâi”, sielzûts pe lôr divignince.

No une semplice traduzion, ma une vere trasposizion te culture furlane, cun espressions, musiche, lûcs e riferiments locâi, parfin le antighe rivalitât cun Triest. Tal 2019 al è nassût un spetacul multimediâl par furlan, la che i atôrs a interagjissin cun lis senis dal film dopleât. Debutât a Udin il prin di Dicembar 2029, al è replicabil in dut il Friûl e al dispon di une dotazion tecnicche autonome e adatabile a cualsisei spazi.